O Método Therasuit é un programa intensivo de Fisioterapia que leva a cabo cun traxe ortopédico lixeiro cuxa principal función é estimular o sistema propioceptivo (sentido do equilibrio). Cun sistema de bandas elásticas, o traxe axuda ao neno ou adulto a conseguir a mellor aliñación posible. Esta mellora da postura conleva unha mellora na función dos músculos posturales facilitando a aprendizaxe de patróns de movemento correctos.

O método Therasuit é parte do tratamento rehabilitador do Centro Sanitario A. P. Foltra desde o ano 2014. Desde que se empezou a implementar neste centro foron moitos os pacientes que probaron os beneficios desta técnica: Nenos ou adultos con parálise cerebral, atraso psicomotor, ictus, dano cerebral adquirido, trastornos neuromusculares, trastornos do ton, ataxia, ou problemas de integración sensorial, son algunhas das patoloxías que poden ser tratadas con este novo método.

O paciente ten a posibilidade de combinar este método con outras terapias, xa que é importante ver ao paciente como un todo e non centrarse só na afectación motora. O plan rehabilitador consta de 3 etapas no cal se traballa 3 horas diarias, 5 días á semana durante 4 semanas continuas. É recomendable valorar pasados os 6 meses a posibilidade de volver realizar o método, segundo as necesidades actuais do paciente e os resultados previos con Therasuit.

Beneficios de realizar esta terapia:
- Gaña autonomía persoal.
- Normaliza o ton muscular.
- Incrementa o rango articular de maneira activa.
- Mellora da propiocepción.
- Redución dos reflexos patolóxicos.
- Recuperación dos patróns posturales e de movemento correctos.
- Estimula o cerebro para reeducar ou reentrenar o sistema nervioso central ( SNC).
- Restaura o desenvolvemento ontogénico.
- Prové estabilización externa.
- Aliña o corpo a unha postura o máis próxima á normalidade.
- Corrixe o patrón da marcha.
- Inflúe o sistema vestibular.
- Mellora a conciencia corporal e espacial.
- Mellora a densidade ósea.
- Proporciona estimulación táctil e sensorial.
- Aumenta a forza e a resistencia.
- Incrementa o control muscular e a coordinación.
- Aumenta as actividades funcionais (sentar, gatear, andar, etc.).
- Mellora a produción e a fluidez da linguaxe.
- Acelera o progreso dos movementos e as habilidades funcionais recentemente adquiridas.
- Promove o desenvolvemento de habilidades na motricidad fina e grosa.