Desde que Foltra comezou o seu traballo, tivemos a posibilidade de comunicar ao mundo científico, a través de numerosas publicacións que tiveron unha gran repercusión, os resultados logrados en pacientes considerados como "imposibles de ser recuperados". Iso traduciuse en numerosos premios de investigación pero, sobre todo, no feito de que pacientes de todo o mundo, acudan a Foltra en buca da solución aos seus problemas. E non só pacientes, senón médicos de moi diferentes países recorren aos nosos consellos terapéuticos. Así o fixemos en Canadá, USA, México, Australia, Nova Zelandia, Arxentina, Brasil, Italia, Sudáfrica, etc... Pero todo iso tamén implica un problema como é o gran número de correos electrónicos que diariamente se reciben con invitacións para impartir conferencias en Congresos Mundiais, publicar en gran número de revistas científicas e libros..., algo imposible de abarcar e que crea un gran stress. En calquera caso estamos orgullosos de que Foltra converteuse nun referente mundial na recuperación de pacientes descartados, e que con Foltra, Teo en particular, e Galicia en xeral, sexan aínda máis coñecidos no mundo. Traballamos duramente e diariamente para poñer a punto novas tecnoloxías, non buscando noso ben se non o daqueles que perderon a súa vida e que aquí atopan unha nova esperanza. Conseguimos o imposible, a priori, casos resoltos tras anos sen solución, e seguimos buscando novas e mellores solucións. Os propios pacientes poden dar fe diso. Poderiamos publicar moito máis, pero o tempo diario non dá para iso...